لميس الحديدي عن أزمة شيكابالا: التنمر عيب أوي.. وحاسة إن القصة فيها افتعال - بوابة الشروق
الثلاثاء 26 يناير 2021 4:29 م القاهرة القاهرة 24°

الأكثر قراءة

قد يعجبك أيضا

شارك برأيك

هل تتوقع وصول منتخب مصر لنهائي كأس العالم لكرة اليد؟

لميس الحديدي عن أزمة شيكابالا: التنمر عيب أوي.. وحاسة إن القصة فيها افتعال


نشر في: الإثنين 30 نوفمبر 2020 - 1:00 ص | آخر تحديث: الإثنين 30 نوفمبر 2020 - 1:00 ص

علقت الإعلامية لميس الحديدي على أزمة التعصب الكروي وما تعرض له محمود عبد الرازق «شيكابالا»، نجم الفريق الأول لكرة القدم بنادي الزمالك، من تنمر، قائلة: «ظاهرة التعصب الكروي لابد أن نقف أمامها وهو أمر مزعج جداً ونقول ماينفعش».

وأضافت خلال تقديمها لبرنامج «كلمة أخيرة»، المذاع عبر فضائية «ON»، مساء أمس الأحد، أنها تتوجه بحديثها لبعض جمهور النادي الأهلي، مؤكدة أن جمهور الأهلي محترم خاصة في وقت فرحته.

وتابعت: «عاوزة أكون دقيقة جداً وأنا بقول ده، لكن من لايدرك أنه يراد أن يدفع به لدائرة العنصرية والتعصب، مش واخدين بالكم أن دي غلوشة حد بيحاول يخليكم تغلوشوا على فكرة النصر والكأس وتروحوا لحتة تانية خالص ويبقى الحديث كله مش على فرحة الأهلي على كأس إفريقيا ويبقى اهتمامنا كله شيكابالا عمل إيه وبعض جمهور الأهلي عمل إيه».

وتابعت: «شيكابالا الحقيقة لاعب متميز جداً وأحرز هدفا مهما وعيب نشتم الناس بأصلها وشكلها ولونها.. إحنا مانعملش كده كمصريين وكبني أدمين وكأهلاوية.. وبالذات لما تكون منتصرا لأن المنتصر دائماً عنده شيمة الكرم وأنا عملت كده مع مرتضى منصور ومارضتش أدخل في الهجوم في أوقات الضعف وفي قصة شيكابالا حاسة إن فيها افتعال وفيه جر لدائرة الشر، وأنا دائما ضد نظرية المؤامرة لكن بدأت أشك إن فيه مؤامرة؟ وإنتوا عارفين المؤامرة جاية منيين».

ووجهت رسالة لشيكابالا: «أنت كلاعب لازم تكون منضبطا بلاش استثارة الجماهير مش ببرر اللي عملته الجماهير بالعكس غلط ولازم يعاقبوا ..فيديوهات الإساءة عيب أوي ليه بتخلي حد يجرك للناحية التانية لازم كمجهور تترفعوا وتقفوا خلف فريقكم لا تشتموا ولا تغلطوا وإنتوا كسبانيين أو خسارانين، إحنا عاوزين نرجع الجماهير للاستاد، طبيعي يحصل جدل بين الجماهير بس من غير ماتغلطوا إنتوا كده بتاذوا ناديكم».



قد يعجبك أيضا

شارك بتعليقك