أول تعليق لزوج ابنة نجلاء فتحي على صورة حمل حذائها في مهرجان الجونة - بوابة الشروق
الجمعة 4 ديسمبر 2020 10:19 م القاهرة القاهرة 24°

الأكثر قراءة

قد يعجبك أيضا

شارك برأيك

مع أم ضد استمرار التعليم عن بُعد إذا انتهت أزمة كورونا؟

أول تعليق لزوج ابنة نجلاء فتحي على صورة حمل حذائها في مهرجان الجونة


نشر في: الخميس 29 أكتوبر 2020 - 12:10 م | آخر تحديث: الخميس 29 أكتوبر 2020 - 12:10 م

أثارت صورة المخرج المصري خضر محمد خضر، وهو يحمل حذاء زوجته، ياسمين أبوالنجا، ابنة الفنانة نجلاء فتحي، في مهرجان الجونة السينمائي ضجة واسعة بين نشطاء مواقع التواصل الاجتماعي، وفقا لما جاء في "سي إن إن" بالعربية.

خضر عقّب على الضجة بتدوينة على صفحته بموقع التواصل الاجتماعي، فيسبوك، قال فيها: "عندي بس تعليقين صغيرين عايز أقولهم لمن يهمه الأمر: 1- بالنسبة للصورة بتاعتي أنا ومراتي، الصورة دي اتاخدت وإحنا مروحين الساعة 1:30 صباحاً من حفل الافتتاح (مش وإحنا داخلين حفل الافتتاح)، أكيد مش هدخل حفلة شايل جزمة مراتي وماشي! إحنا الدعوات بتاعتنا دعوات (VIP) مش دعوات مشاهير، فا ده أصلا ما بيدخلناش على السجادة الحمراء مع الفنانين، ده بيدخلنا من باب تاني جنبه ما فيهوش كاميرات".

وتابع: "كل ما هناك إن بعد 6 ساعات من الحفل، وإحنا خارجين، باب الخروج كان زحمة وكل الناس خارجة منه (فنانين وغير فنانين ومصورين وكاميرات فيديو).. ومراتي أكيد بعد 6 ساعات رجلها تعبت زي أي واحدة رجلها بتتعب في أي فرح.. فا قلعت الجزمة! فا من الطبيعي ومن الرجولة ومن الأدب إن أنا اللي أنزل أجيب الجزمة (مش هخلي مراتي توطي وسط الناس أكيد) ودي لا حاجة تعيبني ولا تقلل مني.. واحدة شايلة بيتي على راسها 15 سنة، مش هاشيل جزمتها 15 دقيقة؟ المهم ضربت بعيني لقيت ممر السجادة الحمرا مفتوح وفاضي قولت لها ياللا نخرج من هنا أسرع، ولقينا المصور العزيز محمد حامد بيطلب مننا صورة فا وقفنا 3 ثواني بالظبط.. ابتسمنا وأخدنا الصورة وخلعنا.. والراجل تفضل مشكوراً وبعت لي الصورة على فيسبوك وبصراحة الصورة لذيذة.. ولما حطيتها عندي على الوول لقيتها بيتعمل لها شير روحت قافلها (للأصدقاء فقط) بس كده".

وأضاف: "2- الناس اللي بتسأل أنا إزاي في المهرجان بعد المشاكل (أنا بفضل ربِنَا وبفضل دعواتكم) أعلنا السنة اللي فاتت والجرايد كتبت وأنا كتبت وإحدى المنظمين طلعت في التلفزيون وقالت عملنا عقد تصالح مع محمد خضر خلاص وأخد حقوقه وبقى ضيف شرف المهرجان كل سنة، والسنة دي اسمها سنة الصلح خير.. ودي تاني سنة ليا في المهرجان كا ضيف شرف أنا ومراتي.. وشكرت عندي عالفيسبوك كل الناس اللي وقفوا جنبي وتمنياتي بالتوفيق لمهرجان الجونة".

وتابع: "(تفاصيل عقود التصالح) اللي بيفهم في القانون أو يعرف حد بيفهم في القانون يسأله وهايقوله إن تفاصيل أي عقد تصالح بتبقى سرية للغاية وبيحظر النشر أو الإدلاء بها وإلا يطبق شروط جزائية ومبالغ طائلة على من يخالف ذلك.. إنما اللي مفهوم من الصورة الكبيرة إني أخدت حقوقي خلاص وكمان بقيت ضيف شرف في المهرجان كل سنة.. وبالمناسبة المهرجان لذيذ قوي السنة دي، وفيه أفلام جامدة جداً وندوات أجمد وأجمد.. ياللا أشوفكم لما نرجع إن شاء الله.. حضن كبير وبوسة كبيرة ليكم كلكم".



قد يعجبك أيضا

شارك بتعليقك