حارس الإسماعيلي يعلن انقطاعه عن التدريبات: «عند بعند مش هتمرن.. لو هشحت» - بوابة الشروق
الأحد 8 ديسمبر 2019 3:01 م القاهرة القاهرة 24°

الأكثر قراءة

قد يعجبك أيضا

شارك برأيك

هل توافق على سن قانون جديد لمكافحة الشائعات وتشديد عقوبة مروجيها؟

حارس الإسماعيلي يعلن انقطاعه عن التدريبات: «عند بعند مش هتمرن.. لو هشحت»

إبراهيم سعيد
نشر فى : الخميس 24 أكتوبر 2019 - 4:30 ص | آخر تحديث : الخميس 24 أكتوبر 2019 - 4:30 ص

أعلن محمد فوزي حارس مرمى الفريق الأول لكرة القدم بالنادي الإسماعيلي، انقطاعه عن تدريبات فريقه، اعتراضًا على العقوبة الموقعة عليه، مؤكدًا أنه يعاني من الظلم داخل الفريق.

وكان الجهاز الفني للنادي الإسماعيلي بقيادة الصربي ميودراج يستيش، طرد ثنائي الفريق، محمد فوزى حارس المرمى وعماد حمدي من معسكر الفريق، لمواجهة الجزيرة الإماراتي، والتي لُعبت أمس الأربعاء، قبل أن يقرر الجهاز الفني انتظام اللاعبين في التدريبات رغم منح الفريق راحة، وفقًا لما كشفه فوزي في حديثه.

وكتب فوزي في حسابه الرسمي على موقع التواصل الإجتماعي "فيسبوك": "يعني شوف الافتري لسه ربنا كرمنا وكسبنا الحمد لله يتصلوا بيا يقولولي أنت وعماد تمرين السبت لوحدكم والفريق واخدين اسبوع إجازة، طب ليه؟".

وأضاف: "والله العظيم ما هتمرن غير مع الفريق ولو مش هلعب كورة تاني علشان أنا مأجرمتش وأنت عاوز توصلني لكده إديني وصلت ولو هشحت والنادي الإسماعيلي مش بيقف على حد، وحسبي الله ونعم الوكيل".

وواصل: "عند بعند بقي علشان معرفش مالكم بيا من أول الموسم وعاوزين تكرهوا الناس فيا ويقولوا بتاع مشاكل وربنا يعلم اللي الواحد فيه، علشان تأذي الواحد كده في أكل عيشه ما تفتروش علشان ربنا يكرم في اللي جي، وجمهور الإسماعيلي على دماغي والباشمهندس إبراهيم على دماغي بس أنا اتعقدت من اللي بيحصلي ومش قادر ومش طالب غير إني أتمرن مع الفريق ده حقي علشان ما عملتش حاجة".

وتابع: "يلا خليني أدمر خالص علشان تستريح وإن شاء الله ربنا هو اللي عالم بكل حاجة، الواحد كان بيموت نفسه الموسم اللي فات في ثانية كل حاجة اتنست لمجرد إني كنت مش موفق في ماتش في أول الموسم يلا الحمد لله وربنا موجود ومش عاوز حد يزعل مني اعتبرني ابنك أو أخوك وواحد واقفله في لقمة عيشه أو حط نفسك مكاني هتحس باللي أنا حاسه".



قد يعجبك أيضا

شارك بتعليقك