عمر كمال ردا على منتقديه: تعالى أقولك الشهادة توديها فين - بوابة الشروق
الأربعاء 21 أكتوبر 2020 6:07 م القاهرة القاهرة 24°

الأكثر قراءة

قد يعجبك أيضا

شارك برأيك

هل تساهم تعديلات قانون العقوبات الجديدة لتجريم التنمر في وقف وقائع الإساءة والإهانة في الشارع المصري؟

عمر كمال ردا على منتقديه: تعالى أقولك الشهادة توديها فين

محمد عباس
نشر في: الأحد 20 سبتمبر 2020 - 5:38 م | آخر تحديث: الأحد 20 سبتمبر 2020 - 5:38 م

رد مطرب المهرجانات عمر كمال، على الانتقادات التي وجهت له عبر مواقع التواصل الاجتماعي، بعد نشره صورة له مع سيارته الجديدة من نوع «بي أم دابليو» موديل «X6»، وكان مضمون تلك الانتقادات أن أصحاب الشهادات لا يجدون عمل أو مال، بينما مطربي المهرجانات يركبون السيارات الفارهة، ويعشون عيشة رغدة، وجاء رد عمر كمال في فيديو كان عنوانه «تعالى أقولك الشهادة توديها فين».

ونشر كمال، عبر حسابه الرسمي على موقع «إنستجرام»، فيديو قال فيه: «سؤال بقى مطروح على السوشيال ميديا كل لما أروح حفلة أو أجيب عربية أو أمضي مع شركة إنتاج، الناس تقول عارفين هنحط الشهادة فين وبيقبضوا على المدرسين وكلام كتير.. أولا شهادتك اللي حضرتك بتتكلم عليها دي أنا معايا واحدة زيها من 2006 وحاطتها في الدرج».

وأضاف: «أنا بس عايز أفهمك حاجه.. التعليم اللي أحنا بنخده في المدارس والجامعات ده حاجة والشارع والسوق حاجة تانية خالص، الحياة لها قواعد والتعليم له قواعد، التعليم علشان أعرف أقرأ وأكتب وأتعلم لغة علشان لما أسافر بره، أكل العيش والشغل والحياة لها حسابات تانية، اختار حاجة من الاثنين يا تبقى تقليدي مع الناس الكتير اللي ماشية في الشارع، يا تبقى إنسان إيجابي وتعمل لنفسك شخصية وتعيش حياة تانية».

وتابع: «كان أهلي بيقولولي روح قدم ورقك في شركات واتعين بس أنا كنت بحب أروح أشتغل باليومية، مكنتش عايز أعيش العيشة التقليدية زي الناس، أنا كنت راسم لنفسي حاجة تانية، ولما استلمت ورثي من أبويا صرفته على الغناء وخسرت، مقولتلكش هات ولا أنت مسمعتنيش ومقدرتنيش ليه، هل أنا قولتك هات قرش أو أنت موقفتش جانبي ليه».

وأكمل: «أنت عايز تشتغل مهندس أو طبيب، مش أنا اللي بحطلك التسعيرة بتاعت قبضك دي أنا مالي، أنا أشتريت عربية أو روحت سكنت في مكان كويس ده بسبب شغلي اللي أنا تعبت فيه، نزلت أغنية على اليوتويب وأنت دوست علشان تسمعها أنا كسبت، أو عامل حفلة في مكان، عايز تقاطعني قاطعني وخد مني موقف وقول أنك مش هتكسبني، لكن أنا مسرقتكش ولا أنا اللي روحت قبضت على المدرس».

واختتم: «أنا واحد اجتهدت وربنا كرمني، بتقول مولعنها روح غني زينا المايك موجود، أنا كان بقالي 13 سنة بغني وبقدم فن كويس محدش سمع عني حاجة، وصرفت عليه وتعب فيه وماحدش قدرني، اتعب واجتهد واعمل اللي عليك، لو مش عاجبك شغلانتك المايك موجود، روح غني يمكن ربنا يكرمك».

 

View this post on Instagram

A post shared by Omar kamal (@omarkamal.official) on



قد يعجبك أيضا

شارك بتعليقك