اعلن الفنان والإعلامي مراد مكرم، انتهاء مسيرته الإعلامية في قناة CBC الفضائية بعد انتهاء مدة عقده معها، والتي استمرت لسنوات عبر تقديمه برنامج "الأكيل" على CBC سفرة.
وأعلن مكرم ذلك الخبر في منشور عبر منصات التواصل الاجتماعي الخاصة به، قائلا "بعد سنوات من العمل، أعلن اليوم عن انتهاء تعاقدي مع شبكة قنوات CBC…
الخبر ده مش سهل يتكتب في سطرين، لأن CBC ما كانتش مجرد شاشة بطلع منها، دي كانت بيتي التاني".
وأضاف: "من أول يوم دخلت فيه المكان ده، وأنا حاسس إني وسط عيلة حقيقية بتشتغل بحب، باحترام، وبإيمان إن اللي بنقدمه للناس لازم يكون نابع من ضمير حقيقي ومسئولية...بحب أشكر كل حد اشتغلت معاه، قدام الكاميرا ووراها، من إدارة، إعداد، إخراج، فريق إنتاج، زملاء ومذيعين… كل شخص ساهم في تجربة عمر، وكل شخص علمني حاجة حتى من غير ما يقصد، كان فيه دعم، وكان فيه احترام، وده أغلى حاجة ممكن أي حد يطلع بيها من مكان شغل".
واختتم منشوره بالقول "أغلق صفحة مهمة في حياتي المهنية، وأنا ممتن لكل لحظة فيها، ومتطمن إن اللي جاي مكمل على اللي فات، بخبرة أكبر وقلب هادي ونية صادقة...شكرا CBC…وشكرا لكل اللي كانوا جزء من الرحلة...إلى لقاء جديد… وخطوة جديدة بإذن الله".
ونشر مراد صورة له تبين مسيرته المهنية في cbc منذ عام ٢٠١٤ وحتى مطلع ٢٠٢٦.