تحدثت الفنانة يسرا اللوزي عن علاقتها بابنتيها وكيف تتعامل معهما، مؤكدة حرصها على إظهار الجانب الضعيف من شخصيتها، تجنبًا لإصابتهما بـ«تروما».

وأضافت خلال لقاء مع الإعلامي أحمد سالم، في برنامج «كلمة أخيرة»، المذاع عبر قناة «ON»، أنها حريصة على تعليم بناتها كيف يشعرن بها، معقبة: «بحاول أوريهم ضعفي، يشوفوني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية.. وبدأوا مؤخرًا يفهموا أنهم يدوني مساحة».

ونوهت أن الضغط يؤدي إلى تغير مزاج الشخص وإصابته بالعصبية، معقبة: «الواحد لما يكون مش نايم ومتوتر مابيكونش أحسن نسخة من نفسه، وأنا مش عاوزة أرويهم النسخة دي، فبقرر أني أبعد».

وأشارت إلى أنها اكتسبت تلك الخبرة بمرور السنوات، وبعد استشارة طبية نصحتها فيها بالابتعاد عن بناتها في تلك الحالة، حتى تحافظ على ذكريات طيبة معهن.

ونوهت اللوزي أن هذا الجيل لديه وعي أكثر بكثير من الأجيال السابقة، مستطردة: «الجيل ده عنده وعي أكتر من جيلنا وإحنا صغيرين، الجيل ده بياخد باله من تفاصيل كتير، دلوقتي بنخاف نحور على العيال إحنا كنا بنصدق أي حاجة بتتقال».

وأكملت: «بحاول أعلم بناتي إزاي نعمل توازن في حياتنا، إزاي يشوفوا قدامهم حد مهتم بشغله وبيعمل حاجة بيحبها، وفي نفس الوقت بيقسّم وقته ما بين الشغل والعيلة، وأنا بعمل ده، علشان يتعملوا أنه لازم يعملوا حاجة بيحبوها».