أكدت عبير أحمد مؤسس اتحاد أمهات مصر للنهوض بالتعليم على أهمية صفحات المدارس على "فيسبوك" في التسهيل على أولياء الأمور وتلقي شكاويهم ومقترحاتهم.
وأضافت أحمد أن صفحات المدارس لها دور كبير في تخفيف العبء على ولي الأمر عند الاستفسار على معلومة تخص نجله بدلا من الذهاب للمدرسة واستغراق الوقت قائلة «هل جميع صفحات المدارس على الفيس بوك تتفاعل وتستجيب لأولياء الأمور؟ للأسف عدد كبير منهم لا يتفاعل وتكون الصفحة نوع من الشو ودعاية للمدرسة» ومطالبة جميع المدارس بتفعيل صفحاتها على وسائل التواصل الإجتماعي للتسهيل علي أولياء الأمور.
وشهدت صفحة اتحاد أمهات مصر للنهوض بالتعليم، علي الفيس بوك، تفاعل أولياء الأمور بين مؤيد ومعارض لاستجابة صفحات مدارس أبنائهم علي الفيس بوك في الرد عليهم، حيث قالت ولي أمر «صفحة المدرسة الرسمية مش بترد على أولياء الأمور بدليل إن أولياء الأمور عاملين صفحة لنفسهم بالمجهود الذاتى وبيساعدوا بعض فيها».
وأضافت ولي أمر أخرى «بينشروا بس اللي عاوزينه واللي بيتكلم في أي سلبيات للمدرسة بلوك على طول من الصفحة» وتابعت أخرى «مفيش تفاعل لأن الأدمن أوقات كتير بتكون ليها ولاء للمدرسة ومش بتنزل كل الشكاوى وده حصلي قبل كده في جروب مدرستي».
وفي المقابل قالت ولي أمر إن: «الصفحة مفيدة جدا وكمان بنعرف منها جداول المدرسة ولما بيكون فى شكوى بنعرف مين السبب فى المشكلة» واستكملت أخرى «مدرستنا ممتازه وفي اهتمام ورد على جميع استفسارات أولياء الأمور» وقالت أخرى: «هي مفيدة وبتفيدنا في حاجات كتير وهما أصلا بيبقوا واخدين حذرهم وهما بيردوا على التعليقات».