كشف الفنان بيومي فؤاد، عن سبب ظهوره كثيرًا في العديد من الأعمال الفنية، وتردد شائعات عن بحثه للشهرة والأموال، قائلًا: «المال والشهرة أهداف نبيلة ولكن السبب الرئيسي أنا حبيت أعوض اللي فاتني لأني ظهرت متأخر».
وأضاف في برنامج «كل يوم»، المذاع عبر فضائية «one»، أمس الأحد، أنه لا يستهدف الحصول على الأموال بشهادة كل منتجين مصر، متابعًا: «اسألوا منتجين مصر، أنا راجل بتاع شغل، أنا ما بخدش 3 دقائق في الاتفاق، في فيلم بصوره حاليًا ما مضتهوش، ومعرف هيدوني فيه كام، ومابحبش الفلوس تضيع عليا أعمال أنا عايزة أعملها، حتى في الإعلانات».
وذكر أنه يقوم بأعمال كثيرة مجانًا، بدون مقابل مادي، معقبًا: « لما بتفق على الفلوس وبشوفها مش قيمتي بقول أعمل العمل مجانًا، لو فلوس مش قيمتي تبقى إهانة ليا، لكن لو مجانًا يبقى على الأقل بعمل حاجة بحبها».
وعن رأي النقاد بأنه سينتهي في 2018، أوضح أنه خلال العام المقبل معروض عليه أكثر من عمل فني، متسائلًا عن مقياس انتهاء بيومي فؤاد في نظر الآخرين، خاصة وهو لم يكرر نفسه في أي دور قام به.
وتابع: «الناس لما بتقول حسن حسني اتحرق لما كرر نفسه، مش صح بيجي علينا سن بنرتاح، هو لعيب الكورة الجامد أوى ما بيعتزلش، هو لازم أموت وأنا بصور أسف أني أقول كده، ومازلنا بنتمناه يشتغل، لما كان كل أفيشات السينما عليها لطفي لبيب وحسن حسني، هل اتحرقوا، دائمًا وأبدًا هيفضلوا معانا، هما ملونين وبيقدموا أدوار جديدة في كل مرة».