قال الإعلامي أسامة كمال، إن موقفه الشخصي مما يحدث في قطاع غزة واضح منذ اليوم الأول، مؤكدا أن الحرب على القطاع أدت حتى اللحظة إلى استشهاد نحو 34 ألف شخص وإصابة 77 ألفًا آخرين.
وأضاف خلال تقديمه لبرنامج «مساء DMC»، المذاع عبر فضائية «DMC»، مساء الاثنين: «أكرر أنهم ليسوا أرقامًا، هم بشر لهم أسرهم وحياتهم وأحلامهم وطموحاتهم وأولادهم وآبائهم وأخواتهم».
وأكمل: «هل فاكر إنها هينة إن مفيش طفل يروح مدرسة أو يتعلم، سوى إن الرصاصة يا تعدي جوا ودنه يا ترشق فيه، إنه ممكن يدخل ينام يصحى أو ميصحاش بلا ذنب؟!».
وأكد أنه «يقف مع المقاومة الفلسطينية ضد دولة الاحتلال رضي من رضي وأبى من أبى»، معقبًا: «هتقول لي حماس هقول لك معرفهمش، هتقول لي الجهاد الإسلامي هقول لك مشفتهمش، هتقول لي منظمة اللي معرفش إيه ولا يخصوني، يخصني شعب تحت الاحتلال ويعاني كل يوم منذ 70 عامًا والمعاناة تزداد».
وأشاد بتعامل الدولة المصرية مع ما يحدث في غزة، مناشدًا الأشقاء في غزة نبذ الخلافات والوحدة حتى يتمكنوا من تجاوز الوضع المزري الحالي.
واستطرد: «إيه اللي ممكن يحصل أكتر من كده عشان تنبذوا أي خلاف وتقولوا خلاص يا جماعة عرفنا إن الله حق. في أكتر من حياة البشر؟! إنهم يبقوا عايشين أو شهداء ويبقوا مصابين ومش لاقيين علاج، عايشين وسط الركام والمباني المهدمة، إيه تاني ممكن يحصل يخليكم تفوقوا وتقولوا خلونا نحط إيدنا في إيد بعض!».