«لو مكنش في سوشيال ميديا».. سؤال يجيب عنه مستخدمو تويتر

آخر تحديث: الجمعة 16 يونيو 2017 - 11:44 ص بتوقيت القاهرة

كتبت - إيفون مدحت

دشن مستخدمو موقع التواصل الاجتماعي «تويتر»، هاشتاج «#لو_مكنش_في_سوشيال_ميديا»، والذي احتل المركز الأول في قائمة التريند.

تساءل مدشنو الهاشتاج عن شكل الحياة، في حال عدم وجود السوشيال ميديا، التي قال البعض عنها إنها احتلت قسطًا كبيرًا من حياتهم اليومية؛ ما عرضهم للابتعاد عن مسار الحياة الطبيعية، ودفعهم للانغماس في العالم الافتراضي، الذي آثر بدوره على معايشتهم للواقع. 

 

#لو_مكنش_في_سوشيال_ميديا
كان كل واحد هيعيش حياته زي ما هو عايز مش بمجرد بوست بنعبر فيه عن حالتنا و خلاص

— RaDwa😄 (@Radwa32400183) June 15, 2017

وقتنا كلو ادناه للسوشيال ميديا لدرجه ان اما نيجي ننادي ع حد نبعتلو واتس وفيس بقينا نستكلف نتكلم #لو_مكنش_في_سوشيال_ميديا

— Omar Elkholy (@OmarElkholy11) June 15, 2017

كانت الناس هتكون واقعية اكتر #لو_مكنش_في_سوشيال_ميديا

— Ibrahim salem (@HimaAshrafSalem) June 16, 2017

وأوضح البعض أن الحياة كانت لتكون مختلفة من دون وجود السوشيال ميديا، التي فرضت عليهم الانطوائية والعزلة الاجتماعية، وأن دونها لكانت الحياة أكثر اجتماعية وسعادة.

كُنا زمانا قاعدين مع الناس اللي بنحبهُم و بنحكيلهُم علي كُل حاجة جوانا .. ❤#لو_مكنش_في_سوشيال_ميديا

— شعَـــراوُيِ .. ❤✌ (@Ahmedshaarawy94) June 15, 2017

#لو_مكنش_في_سوشيال_ميديا
كنا هنهتم شويه بالناس اللى بنحبهم وبيحبونا نخرج معاهم ونتقابل ونتكلم معاهم وشنا فى وش بعض #اشرف_صابر #ظل_الرئيس

— mahmoud metwally (@modametwally) June 15, 2017

#لو_مكنش_في_سوشيال_ميديا
كنا هننزل نشوف الى بنحبهم كنا هنعبر عن مشاعرنا بمقابله حلوه او جوابات وكلام مكتوب طالع من القلب كنا هنحب حياتنا 😓✋

— Raghda kishawy♍ (@raghdarodi) June 15, 2017

وأشار آخرون إلى ما تسببت السوشيال ميديا فيه، من انعدام التواصل الاجتماعي الواقعي بين الأصدقاء الواقعيين، والعائلة، ويكاد يكون بين أعضاء الأسرة الواحدة.

#لو_مكنش_في_سوشيال_ميديا كنت خحب اهلي اكتر واخواتي واصحابي هيكون في واقع وحقيقة مش كل حاجة هتبقي خيال وكذب هيبقي في مشاعر صادقة مش كذب🙅

— Mohamed Nabil Rezk (@M1NABIL1REZK) June 15, 2017

#لو_مكنش_في_سوشيال_ميديا
كان هيبئي في عزايم ومناسبات وصلة رحم كويسة
مش مجرد بوست «وكل سنة وأنتم طيبين»

— mostafa mohamed (@sasa2015919) June 15, 2017

ولفت بعضهم إلى السلوكيات السيئة والعادات الضارة التي اعتادها مستخدمي السوشيال ميديا، جراء استخدامهم إياها، من سرعة الانفعال، وعدم تقدير الوقت والاستفادة منه كما ينبغي.

كان هيبقي في حوالي 3ساعات فاضيين ف حياتنا كل يوم نستغلهم ف حاجة مفيدة #لو_مكنش_في_سوشيال_ميديا

— ahmed elbatran (@ahmedelbtran) June 15, 2017

كانت الخناقات بين الناس اقل 🤭#لو_مكنش_في_سوشيال_ميديا

— Hend Mostafa (@Hend_mostafaa) June 15, 2017

بينما ذكر آخرون بعضًا من المزايا التي وفرتها السوشيال ميديا لهم، مثل إمكانية البحث عن المعلومات، والتعلم عن بعد، وأيضًا التواصل مع المهاجرين إلى بلادٍ أجنبية من أقاربهم.

مكناش هنعرف نشوف الناس اللي مسافره ويعيده عننا ولا نطمن عليهم بسهوله #لو_مكنش_في_سوشيال_ميديا

— NoriezzT (@NoriezzT) June 15, 2017

#لو_مكنش_في_سوشيال_ميديا
عادي من وجهة نظري دي وسيله اللي بيحب الرسم مثلاً مش هيسيبه عشان يفتح تويتر بس هيستخدمه ف نشر اللي بيرسمه👀

— Alaa Ahmed (@LoLoAhmedAM) June 16, 2017